N'Asturies son tres los momentos nos que los mozos salíen xuntos pidiendo l'aguilandu: pel Antroxu, pelos Santos y per Navidá. Ye nesti momentu caberu onde xustamente ta más afitada la pidida l'aguilandu. Nesti discu interprétense catorce cantares, d'aguilandu o villancicos, recoyíos per tola xeografía asturiana pola Andecha Folclor d'Uviéu, ún de los colectivos etnográficos que más tien trabayao na recuperacion del patrimoniu músico-baillable asturianu. Son los propios miembros del colectivu los que reproducen fidelmente los resultaos de los sos trabayos de campu.