Recopilatoriu dafechu de les grabaciones d'esta formación coral qu'algamó un prestixu pergrande y ésitu nacional ya internacional nos años setenta y primeros ochenta so la dirección de Luis Gutiérrez Arias. El repertoriu inxer obres «a capella» del Barrocu Español, Claudio Monteverdi y otros; canciones pa coru y piano de J.Haydn y Brahms; ya con orquesta, el «Gloria» de Vivaldi (The Cleveland Institute of Music Chamber Orchestra) y los «Improperios» de Federico Mompou (The Classic Chamber Orchestra), entrambes les dos composiciones dirixíes por Max Bragado Darman.