Como amuesa'l so títulu, el grupu de música antigua «Xistras», dirixíu por Benito Lombas interpreta obres de compositores del Renacimientu Europeu bien conocíos como Gervaise, Josquin des Prés, Praetorius, Tielman Susato, Frescobaldi, etc., ensin escaecer les de dos nomes tan significativos na música española como Juan del Enzina y Escobar.

La formación, instrumental cásique del too (flautes de picu, vigulinos, viola, chello y percusiones), contó pa la grabación de les composiciones españoles cola collaboración d'un cuartetu vocal.