Primer trabayu discográficu de Ars Musicae, coro formáu na «Cátedra de Canto» del Conservatoriu Superior de Música Eduardo Martínez Torner d'Uviéu en 1994. La versatilidá del grupu permite-y ser un especialista en música barroca ya clásica y algamar al empar reconocencia como intérprete de música asturiana pa coro.

El discu inclúi cantares de Navidá de estremaes dómines y autores: dende temes populares franceses y anglosaxones, o villancicos anónimos del Renacimiento español, hasta la inspiración tradicional d'autores contemporánios como el Padre J.I. Prieto, ensin dexar de lláu el Romanticismo alemán o'l musical americanu.