Perpocos artistes puen cellebrar un cuartu de sieglu d'ésitu de contino. Vicente Díaz, n'Asturies un cantante popular onde los haiga, quiso facelo con esti discu nos qu'esbilla 14 de los sos cantares más conocíos y dos temes nuevos. Son versiones trataes cola dignidá y el pricuru que la ocasión merez. Nesti recopilatoriu atopamos temes folixeros como «¿ Qué tien esta sidrina ?» o «La Lancha de Peraldillo»; pero tamién atopamos cantares clásicos como «Pescadores», «La Panderetera» o «Campanines de mio aldea» ó nueves composiciones como «Diba yo de romería» o «El mariscu asturianu», del llavianés Pepín Robles, autor asinamesmo de les igües. Ente los músicos sorprende prestosamente la presencia de Toni Pastor y Pep Toni, dos músicos perconocíos del folclor ballear.