Xaréu

FA.CD.8722 III L´aire les castañes

Vinientes del grupu Ubiña, los sos músicos –Pedro Pangua, Michael Lee Wolf, Jose Manuel López– muévense nesta nueva formación ente la fidelidá a la tradición y l'averamientu a estremaes influyencies musicales, talo que lo espeyen los temes de composición propia, como'l que da'l títulu al disco: «L'aire les castañes». Too ello desendolcao con una instrumentación acústica: gaita, mandolina, guitarra, percusión, curdión , gaita de rabil; y otra vuelta la voz de Marta Arbas como referente imprescindible.