Esther Fonseca

FA.CD.87114 Agua

Nuevu discu d´Esther Fonseca nel qu´amuesa la so evolución interpretativa y la so sensibilidá p´adautase a unos testos y músiques compuestes a midida por so padre, Nacho Fonseca, y nel qu´andecharon como arreglistes, amás del propiu autor, los músicos mozos asturianos Héctor Braga (Llangres) y Marco Rodríguez. Los intérpretes, amás de los tres citaos, tamién son mozos de les nueves xeneraciones del folk asturianu como Borja Baragaño (whistles, flauta travesera, gaita asturiana, gaitar irlandesa), Aitor Miyares (curdión), Yago Prado (arpa céltica y guitarra acústica), Alberto Lozano (teclaos), colos que trabayaron asinamesmo otros músicos de llarga trayectoria como Elías García (bouzouki), Fernando Arias (percusiones étniques), Manolo Durán (percusiones tradicionales), Vicente Baragaño (bombu) y un grupu de la Banda de Gaites Mieres del Camín. Nacho Fonseca toca la guitarra acústica y el tecláu en dellos temes, lo mesmo que Marco Rodríguez (guitarra española y tecláu) y Hécotr Braga, arreglista de seis de los temes, espeya´l so valir como instrumentista tocando la bandurria o rabel asturianu.