Primeru y únicu discu, del grupu formáu por Jose Angel Hevia, Xuan Nel Expósito, Daniel Lombas, Javier Rojo y Joaquín Díaz Méndez. Grabáu nel añu en que se cellebraba el «Xacobeo 92», Boides fai un percorríu musical pelos finxos de la xeografía del Camín de Santiago n'Asturies, el camín orixinariu, ufiertando una amuesa representativa del folclor del país. Asina puen sentise música de banda de gaites, pandereteres, tonada na voz de Jorge Tuya...

Pero amás, al emplegar en dellos temes soníos sintetizaos y inclusive ritmos modernos, esploren nueves llinies d'evolución nel folk astur.