Debú discográficu del grupu asturianu de folc Los Gatos del Fornu, que lu asoleyen depués de dellos años enriba los escenarios, deleitando col so soníu a bien d´incondicionales del so personal estilu folc. Coles once canciones d´esti primer discu dan bona ximuestra del soníu que los tien fecho trunfar tan merecidamente nos sos conciertos. Depués d´entamar na musica nuna bandina tradicional, los integrantes del grupu -nueve nada menos- peguen por fin el blincu a grabar n´estudiu. L´elepé lleva´l mesmu nome que´l grupu, "Los gatos del fornu" y ta compuestu de 11 canciones que caltienen dafechu la tradición y la esencia del folclore asturianu. Los miembros del grupu confiesen qu´en discu quixeron reflexar un soníu y un trabayu propios, pero faciendo por recoyer la tradición musical astur cola mayor calidá.