Composición de Ramón Prada que sigue llibremente l'argumentu de la novela del mesmu títulu del escritor Juan Noriega. Escrita pa instrumentos clásicos y populares ( gaita, flauta de madera, guitarra acústica, zanfona, bouzouky, percusiones) y col tresfondu argumental de les guerres de los pueblos prerromanos del territoriu astur contra Roma (sieglu I enantes de Cristo), Ramón Prada ye a construir una obra ente lo épico y lo llírico qu'anicia n'Asturies un nuevu estilo de composición que naide nun esplorara hasta agora, el de la sinfonía celta. Disponible en dos versiones, la versión d'estudio, cola participación de prestixosos músicos folk asturianos, y la sinfónica, interpretada por la OSPA (Orquesta Sinfónica del Principado de Asturias), que la estrenó nel Festival Intercélticu de Lorient 1998 con munchu ésitu.